زمزم گؤلونده

چهارشنبه نین آخشامیندا                       اوزه ریک زمزم گؤلونده         

دوستلار ایله دوست باغیندا                   گزه ریک    زمزم گؤلونده- اوز ...

زمزم بیزه سود گؤلودی                       بوتون گوللرین گولودی

طاباقلاری خونچالاری                        بزه ریک    زمزم گؤلونده- اوز ...

داریخیبسان زمزمه گل                         بوش چیخیبسان زمزمه گل

غم غصه نین مزارینی                         قازاریق     زمزم گؤلونده- اوز ...

قورخا قورخا یاشاییبسان                      سوویوبسان اوشویوبسن

قوشول بیزه قیزیشاریق                        قیزاریق    زمزم گؤلونده- اوز ...

ائل بیر دیل بیر قارداشلاریق                 هیم بیر فئل بیر یولداشلاریق

تاریخلره یادداشتلاری                          یازاریق    زمزم گؤلونده- اوز ...

سویون لوتون قوی میدانا                      فرق قویما اونا بونا

تفرقه نین رسم لرین                            پوزاریق   زمزم گؤلونده- اوز ...

دوستلوقلارین ایستی سینه                    سویوغونا توستوسونه

یئیینینه آستاسینا                                 دؤزه ریک     زمزم گؤلونده- اوز ...

گاه شئه ده ییک گاه دوماندا                   سهند آرا ساوالاندا

دماوندیک عمانیق بیز                         خزریک    زمزم گؤلونده- اوز ...

بوردا بیردی وارلی یوخسول                 بیرلباسدا ده ده اوغول

بوتون منلیک منم لیگی                        ازه ریک   زمزم گؤلونده- اوز ...

هنر صنعت اینجی لرین                       قوجالارین گنجلرین

اورکلرین تاقچاسینا                             دوزه ریک   زمزم گؤلونده- اوز ...

دنیاسیندا حقیقتین                                 زیروه سینده معرفتین

عشقینده بشریتین                                 سوزه ریک    زمزم گؤلونده- اوز ...

حضورلارین مستی اوللوق                     دیده لردن ایچیب دوللوق

اوزوملری شاخه لردن                           اوزه ریک     زمزم گؤلونده- اوز ...

مزورلر اوزاق دورور                         قوی رد اولسون او بی شعور          

هیکلینه دور از حضور                        چئزه ریک    زمزم گؤلونده- اوز ...

(سه شنبه لر "زمزم" استخری نین بیر سئانسی معلم لرین اختیاریندا)

او گون بیز معراجا گئتدیک

او گون بیز معراجا گئتدیک

اؤکوز داغیندا داغیندا

بیر گئجه ده نه لر ائتدیک - اؤکوز داغیندا داغیندا

قورتولدوق شهریدن قاچدیق

زماندان مکاندان کئچدیک

هاوالاندیق قاناد آچدیق

تعلق لری اونوتدوق - اؤکوز داغیندا داغیندا

اولدوزلاری صفه دوزدوک

سوروب سوت یولونو گزدیک

سانکی سوت گؤلونده اوزدوک

کهکشانلار رصد ائتدیک - اؤکوز داغیندا داغیندا

صیقل لندیک تزه لندیک

خمارلاندیق مزه لندیک

سره لندیک بیز الندیک

بیر اولدوق وحدته یئتدیک - اؤکوز داغیندا داغیندا

اوردا من من سیز اولموشدی

سیز بیزیک بیز سیز اولموشدی

منلیک ده یرسیز اولموشدی

اوجالدیق آللاها چاتدیق - اؤکوز داغیندا داغیندا

آراشدیردیق اویونلاری

آچاق دییه دویونلری

ایشه سالاق بئیین لری

تاریخه اصله قاییتدیق - اؤکوز داغیندا داغیندا

جمع اولموشدو پیمبرلر

صلحه عشقه پیامبرلر

گوللنیردی گل عنبرلر

بیر ساعات رؤیادا یاتدیق - اؤکوز داغیندا داغیندا

اویناییردی دومان اوردا

قیلاییردی چوبان اوردا

اوتلاییردی جئیران اوردا

غم کدرین داشین آتدیق - اؤکوز داغیندا داغیندا

اوردا خسرو، مسعود، رضا

رحیم، کریم، ممدآقا

رضائی، ریحانی، میرزا

آنجاق ابراهیمه یئتدیک - اؤکوز داغیندا داغیندا

اندر شایعه ممنوعیت قلیان

قلیان الیندن گئتدی چیگین لرین چک بالا

آروادا اوشاغا یئتیش کافه دن ال چک بالا

قمیشین تاخ کردییه شیلانکین شیر باشینا

باشین یادگار ساخلا کوپونده گول اک بالا

آباد اولوبدی هربان

دشمن گؤزون چیخسین یان

تریاکی چوخالدیقدا

قدغن اولدو قلیان

دولت مین فند ائیله دی

شکری قند ائیله دی

بیزدن قمیشین چکدی

قلیانا بند ائیله دی

اودسوز قلیانیم ایوای

قلیانسیز جانیم ایوای

حرصیمه توستو وئرین

مکتب مثنوی

اورک ایستکلری وار مثنوی ده                       

ائدرسن عشقی دیدار مثنوی ده                       

مجال ائدسن گوره ک اون بئش ده بیر گون         

بو گون تک مطوئنا اولماز هر گون

باشارسان جمعه صبحی هرندن کئچ

حضور تاپ بیر پیاله مثنوی ایچ

صفالاندیر اورک آئینه سین سیل

مراد دل گوررسن اولدو حاصل

تمل بو ایشده مرحوم واعظیندی

دیریدی اؤلمه ییبدی واعظ ایندی

کونول ایستیر یازا حقینده لیکن

قلم قاصر سؤزوم ناقص دیل الکن

آپارمیش رحمت هران حاج محمود

یقین بو عبددن راضی دی معبود

کرامتدن تاپارسان بوردا آثار

زبس محسن کریم پاک نژاد وار

چو هومن واردی سربازان گمنام

اولارسیز جمعلر تاپماز سرانجام

ریاسیز ایشلری خدمت دی خدمت

صفالی، عشقلی، بی مزد و منت

عزیزی خادمی هر امتین وار

بو جمعین خدمتینده بیر متین وار

ادبده معرفتده عالیدیر او

غروردان، حقد و کیندن خالیدیر او

بورا قویموش اثر دکتر مرادی

قالاجاق مثنوی تک یادی، آدی

جناب و حضرت دکتر رضایی

بویوکدور مثنوی ده سهمی، پایی

مهندس مهرفام ذوالمفاخر

اؤزو قاری قران همده شاعر

ائشید صاحب کلام صائب نظردن

الاهی حفظ ائیله بد نظردن

کی الحق ذوالفنون شیرین بیان دی

خصوصیله کی اهل شامغازاندی

هنرده، منزلتده بیر یگانه

حزین سسله اوخور جمعه ترانه

گوررسن ایش توتوب یالقیزدا گلدی

مصاعف مجلسه داد، دوز سپیلدی

شربیانلو نسب دکتر ازلده

بیرینجی نمره نی قول و عملده

سینیقلار جوشلاییب ال چیرماییب او

یقیناً بیر اورک سیندیرماییب او

رؤف و مولوی کیش شیر دل دی

شب اول سال

خانه خاله فرنگیس و شب اول سال

شهر تهران و به تجریش و به دامان توچال

یاد احسان به افسانه سرخوان خلیل

جمع فامیل و همه شاد و خرامان خوشحال

خدمت مرد سعیدیم و شکیبا خاتون

نور چشمان و امیران حسین است و جلال

محضر مادر و بابای بزرگ و صلوات

چشم بر مهدی، امیرند به امید وصال

خانم مریم و مولاش حسین مظلوم

شور شیما و شری بابک ما وصف الحال

سفته عیدی و پر سکه عروس و داماد

عکس شد خاطره ها درید تصویر و خیال

محو سریال زلیخا و جمال یوسف

همزبان ژوپی و لوئیجی و بازی و جدال

تا یقین دعوت فردا و پسین فردا شد

اشتها باز شد و عیش بسی یافت کمال

مرغ بریان شده ماهیچه و انواع پلو

منت هر که خورد نیست دگر جای سؤال

بخت با ماست چنین انجمن وارسته

میزبانی کند از شاعر میرزا و عیال

                                 1/1/88

جشن نامزدی شیما و بابک

برای فرزند، پدر و مادر           دلی به تاپ تاپ و چشم بر در

برای بچه، نواو آهش               دعای خیرش نثار راهش

زحال و قلبش خبر شود او         چنانکه مادر، پدر شود او

خدا کند کارشان به سامان          به زندگی با لبان خندان

به بیست و پنجم زمهر ماهیم       به میهمانی به شامگاهیم

به سال هفت ازورای هشتاد        سرور و شادی فزونتر باد

مبارک است این خجسته پیوند     دو یار دانش دوتا هنرمند

دو نور دیده دو میوه جان           بزرگ فرزند گزیده انسان

زماو شیما، شما  وبابک             به خوان شامی نشسته اینک

حسین و مریم کلید گنجند             به اسم و شهرت بران رنجند

از این طرف هم حقیر و حوری    رسیده خدمت زراه دوری

ز شهر تبریز دیار یاران             زشهر شاعر چو شهریاران

سراغ دختر به خواستگاری          جواب آری به بیقراری

به رسم و سنت و شرمساریم       که هدیه ای جز صفا نداریم

شدیم مشرف با حلقه ای زر          تاق تاق تاتاق تاق بر حلقه در

بهار و شیرین بود که روزی              به شادکامی کنند عروسی

حالا باداباد مبارکا باد                    به عشق تازه عروس و داماد

                                                    25/7/87

شورا مجلسی نین آستاناسیندا

شورا مجلسی نین آستاناسیندا

اؤزونو اودلادی دونن بیر کیشی

رئیس دئدی بیزجه اومعتادیمیش

یازدیلار آنجاق کی یوخو ایمیش ایشی

نئچه مرتبه دن او گون بیر جوان

اوزونو توللادی جانیندان کئچدی

بیر نئچه دانشجو فعله لیک حالدا

تورپاق آلتدا قالدی ساختمان اوچدو

یانیر فلاکتین فقرین اودونا

دنیادا میلیونلار میلیونلار انسان

اوشاق، قوجا، جوان سس سیز سمیر سیز

مین لری ناز ایچره بوغولان زمان

هر یئره باخیرسان قاچاقچی قاچاق

ایش یوخدور خرج چوخ بو شعار ده ییل

بیر بولوک زندانی بیکار معتادا

حکومت ائله مک افتخار ده ییل

قناعت ائله

توکل ائت طمعین آز ائله قناعت ائله

قناعت ائیله سن اخلاصیله عبادت ائله

روا ده ییل گولوم اسراف، ریخت پاش ائتمه

بو ایشده نفسیوی تعزیر ائله ملامت ائله – جان من قناعت ائله

ضرر گؤتورمه ییب هئچ کیمسه صرفه جولیقدان

گؤزل صفت دی قناعت بو امره عادت ائله – ای گؤزل قناعت ائله

قناعتیله چالیش مشکلاتی آسان ائت

ندارلیقدان اولان دردلره طبابت ائله – دکترا قناعت ائله

پولون آز اولسا قناعتدن ائیله سرمایه

قناعتین توخومون سپ یئره زراعت ائله – ای آقا قناعت ائله

عظیم ملکیدی جانا قناعتین ملکی

تمام سعیله بو ملکدن حراست ائله – ای جانیم قناعت ائله

سنین ده ییل ای آقا ملتین دی بیت المال

ائدنده خرج اونو انصافی گل رعایت ائله – ای مدیر قناعت ائله

یئتیش قوناق قارانین تعدادین حساب ائیله

آی آشپز آز پیشیر اندازه نی رعایت ائله – ای خانم قناعت ائله

بؤلنده بودجه نی ای مجلس اهلی ای دولت

عدالتیله بولوشدور اونا نظارت ائله – دولتا قناعت ائله

کمال دقتیله دخلی و خرجی تنظیم ائد

تعهداته عمل ائتمه یه عنایت ائله – ای آقا قناعت ائله

قناعت اهلی دیلر انبیالار اوصیالار

قناعت اهلی اولوب حشرده شفاعت ائله – زاهدا قناعت ائله

قناعت اهلینی انوار معرفت بورویر

قناعتیله کونول سلطانین زیارت ائله – ای جوان قناعت ائله

قناعت اهلی بوتون اهل معرفتدی آمیرزا

قناعت اهلی ایله دوست اول رفاقت ائله – میرزا قناعت ائله

بیگله گلین اویناسا ...

تو این عروسی ناز

 باده پرستند همه

نخورده مستند همه

رقص  عروس و داماد

میکنه فصل را شاد

       *   *

ایندی سیامک و سونا

ال اله گلسین میدانا

بو قئینانا او قئینانا

گلیر ساللانا ساللانا

      *    *

حالا سیامک و سونا

دست به دست بیان وسط

مادر عروس مادر داماد

ها ماشاءالله ها زنده باد

پدر عروس پدر شوهر

خنده به لب قیر به کمر

طوی گونودور ....

    *    *

جشن سونا، سیامکه مبارکه مبارکه

عروس تو خوشگل ها تکه

مبارکه مبارکه

کمر باریک با نمکه

شهریور هشتاد و شش

فامیل اومده خوش و بئش

      *     *

یاز کئچیبدی یایدی یایدی

گؤروش بیزه پایدی پایدی

یوخ بئله گؤز، یوخ بئله قاش

یواش یواش، یواش یواش

مادر شوهر گلنده قاش

دست دست

بفرما دست

     *   *

چشمها و ابرو رو ببین

افسون و جادو رو ببین

مادر شوهر آمد برو

روتو بگیر آنور برو

آی عموها، آی عمه ها

آی دائیها، آی خاله ها

ای جوانها ای جوانها

ای دخترها ای پسرها

مجردها زن ذلیل ها

دختر می خوای بیا وسط

شوهر می خوای بیا وسط

زن ذلیلی بیا وسط

ریش سفیدی بیا وسط

گیس سفیدی بیا وسط

دست .....

     *   *

گولر اوزلو دوزلودی بو

به بهرام چرختاب تبریزی

اولوبدور انجمنین افتخاری تبریزی

خزانه سی، حسابی، اعتباری، تبریزی

بویوک دور ایشلری سنی چیچیک دی بیزلردن

مدیره هئیتی نین ته تغاری تبریزی

اودور منظم ائدن دفتر و کتابیمیزی

نظام انجمنین پاسدری تبریزی

گزارشاتی مرتب اودور وئرن ترتیب

ائدیب بو ایشده ده چوخ ابتکاری تبریزی

اونونلا یولداش اولوب خیری اولسون ایشله یه نین

قرارین اجراسی نین بیقراری تبریزی

ایشینده دقت ائدر دوز سؤزو، گولر اوزو وار

ادب فصیل لری نین نوبهاری تبریزی

نیه گلیر گومانی جمعین اختیاریندا

ائدیبدی خدمت بس بی شماری تبریزی

دئییرلر مرد اودور آز دییر عمل ائیلر

بو عرصه نین ده دئمک شاهکاری تبریزی

اونون خوش اعمالی نین گؤرمه سن ده یوزده بیرین

ماشا... مفتخرین دستیاری تبریزی

موظف اولسا  اورکدناونو ادا ائده جک

تلاش و معرفتین شهسواری تبریزی

گلیب گئدن چوخ اولوب ادعا ائدن چوخ اولوب

همیشه جمعلرین پایداری تبریزی

حسابی پاک دی اودور باکی یوخ محاسبه دن

دییل شاهین- گدانین وامداری تبریزی

حاضردی میوه و شیرنی سماوری قاینار

قاتیب متانتی، قندی، ووقاری تبریزی

ثبوت ائدیب کی طرفدار عقل و منطق دیر

حقیقت آختارانین دوستداری تبریزی

خلوص نیتی وار خدمتینده ائل، اوبایا

اولوبدو خلقیمیزین جان نثاری تبریزی

وفا و صدق و رفاقت اونون سلاحلاریدی

بوتون بو ساحه لرین نامداری تبریزی

دولاندی چرخ اونو بهرام چرختاب ائتدی

بو عاشقانه نین اولموش مداری تبریزی

او مهرداد و مارال عشقینی کمنده سالیب

کی "مهری" عشقی نین ا ولموش شکاری تبریزی

بو عشق مکتبی نین میرزا تک فدائی سی وار

بو شعر گونه نین اولموش شعاری تبریزی

          (بهرام، انجمن ادبی صابرین مدیره هئیتینده فعال اولان)

                                                    آذر82

حبیب یعنی ایستکااؤرک

حبیب یعنی ایستکااؤرک

صفا، وفا، آرزی، دیلک

حبیب صمد، حبیب اوختای

حبیب سکوت، حبیب هرای

حبیب شرف، حبیب وقار

حبیب کرم، حبیب ایثار

هر معلم حبیب اولماز

هر درد بیلن طبیب اولماز

عزیزله یین آغیرلایین

اوندان بیر زاد اوغورلایین

جومون حبیب عالمینه

همدم اولون دم غمینه

حبیب لیگین تفسیر ائدین

مومکون اولسا تکثیر ائدین

اوریینه یوللار سالین

قاداسینی جانا آلین

یئتیشیبدی اونو درین

خیاللارا دریب سرین

حبیب آلسا اله پرچم

یاشامالی اولار عالم

گئدک حبیب مکتبینه

قولاق وئرک صوحبتینه

میرزا گل اول تنبل حسن

یئنه اویرن حبیب دن سن

                    (حبیب فرشباف معلمه بزرگداشت دوتموشدولار

                      گئدنمه دیم بو یادداشتی یوللادیم)

فرشبافین عشقینه

کؤکله نیب تارلار کمانلار فرشبافین عشقینه

دول بوشالدا استکانلار فرشبافین عشقینه

بیر پاییز آخشامی آی دوغموش گونش  قاش گؤز ائدیر

چلچراغدی آسمانلار فرشبافین عشقینه

نطق لر انشاد ائدیبلر شعرلر حصر ائتدیلر

چالدیلار جمله چالانلار فرشبافین عشقینه

پیرشیدا مبین لرله شور و حالیله

اشتراک ائتمیش جوانلار فرشبافین عشقینه

فرشبافین آسمانیندا ثریا بسله دی

بس سئویل لر ساوالانلار فرشبافین عشقینه

شاهد اولدوق خسرو سرتیپی دن عالی چیخیش

بیر داها روحلاندی جانلار فرشبافین عشقینه

هدیه لر تقدیم اولوب گول لر سپیلدی صحنه یه

ثبت اولوب نام و نشانلار فرشبافین عشقینه

اردبیل، تهران، زنجان، ارومیه، تبریزده

قایناییب جوشماقدا قانلار فرشبافین عشقینه

چوخ حبیب یار یولداشین بوش گؤرسه نیردی یئرلری

هاردا میرزا تک یازانلار فرشبافین عشقینه

                              (فرشبافین یوبلئیینه)

اگر بیر گون سن اولماسان

داغ دره لر دومان اولار

اگر بیر گون سن اولماسان

حال احوالیم یامان اولار

اگر بیر گون سن اولماسان

سرنوشتیم قارالانار

حیثیتیم یارالانار

شعریتیم پارالانار

زمان آخر زمان اولار

اگر بیر گون سن اولماسان

عقلیم هوشوم باشدان آزار

یازی یازان ترسه یازار

غملر منه مزار قازار

طوفان اولار بوران اولار

اگر بیر گون سن اولماسان

قارا گییر گونلر آیلار

قیشا دونر یازلار یایلار

گؤز یاشینا چونر چایلار

غم دریاسی عمان اولار

اگر بیر گون سن اولماسان

باغبان گئدسه باغلار قالار

الیم قاپیم باغلار قالار

اوشاقلاریم آغلار قالار

یاییم یازیم خزان اولار

اگر بیر گون سن اولماسان

چراغلارین نورو سونر

دیز قاتلانار بئلیم سینار

ماتم اولار شنلیک چونر

کون و مکان ویران اولار

اگر بیر گون سن اولماسان

منی ایشه قویدون اولسون

اورییمه دیدین اولسون

دئییرم کی آیدین اولسون

بوتون عومروم تالان اولار

اگر بیر گون سن اولماسان

اوزون اولسون آجی دیلین

زور دئه آچیق الین قولون

گز، چیچک لی اولسون یولون

باشیما کول سامان اولار

اگر بیر گون سن اولماسان

دیش دکتریله شوخلوق)

دکتر سن منه دیش دوزلت

منده سنه شعر یازیم

سن منیم آغزیمی او سؤز

من سنین بئینیوی قازیم

شعری نوبت سیز یازارام

دردسیز زحمتسیز یازارام

اینه شربت سیز یازارام

قابلی یوخ چوخوم آزیم

آنجاق کی بیر شعر یازیم

شعر یازیم اللریوه

شانه چکیم تئللریوه

بلبل اولوم گوللریوه

کلپتینه وار نیازیم

منده سنه شعر یازیم

دیشین دوتان بورا قاچیر

دستگاهین آلتینا کئچیر

گؤزون یومور آغزین آچیر

دیش آغریسا اولماز دؤزوم

بللی اولماز دادیم دوزوم

سن ماهر بیر صنعتکارسان

ایش گؤررسن پول آلارسان

دیش چکرسن دیش قویارسان

شاعر اولا یا حاج کاظم

مش غافار یا عبدالعظیم

ایشی واردی یا بئکاردی –

شاعرده بیر صنعتکاردی

شعرده صناعت واردی

سنین عشون منیم نازیم

غمزه سیز بیر شعر یازیم

مطبین دخلی خرجی وار

دکترون قسطی بورجی وار

نه پاساژی نه برجی وار

باشا دوش آی جانیم گؤزوم

مارالیم جئیرانیم قوزوم

تانیشدان قوهومدان آز آل!

بو عاشقدی بوندان ساز آل!

سازی وئر "میرزا" یا سؤز آل

ردیف قافیه نی دوزوم

بیر آز یازیم بیر آز پوزوم

خانم منشی کارتی یازدی

قیمت، احوالیمی پوزدی

اللریم جیبلری گزدی

نه نفتیم وار نده گازیم

نه اردگیم نه ده قازیم

دئمیرم قیمتین چوخدور

منده بیر او قدر یوخدور

بیزده یوخا قلم یوخدور

یوخ دئمه یه یوخدور اوزوم

دیشلردن الیمی اوزوم

آدام وار هر نیی چوخ چوخ

اهل عیالی اوشاغی توخ

آدام دا وار هئچ نیی یوخ

بو وضعه چتیندیر دؤزوم

جهازسیزدیر ائویم قیزیم

اورتادا گنهکار کیمدی

نه شاعردی نه حکیم دی

زور واردی سیستم حاکم دی

گرک زور نظامین پوزوم

عدالتله نظام دوزوم

گل ائدک بیر معامله

گئده یین یئره ال اله

سن ائله سن منده بئله

سنین ایشین منیم سؤزوم

قلم دوتوم شعر یازیم

گذشت ائیله چوخوم آزیم.

          (تشکر زحمتلریندن

                  19/3/87)

... جدیدالاسلام

اولموسان اؤلکه ده مشهور جدیدالاسلام

آش اولوب لیک بیر آز شور جدیدالاسلام

چوخلو اعمال خلاف ائیله میسن گیزلی ده ییل

سرّلار قالمالی مستور جدیدالاسلام

سن، او تصویر چکن مجلس و محفل لرده

گؤرسه نیب حوققا ووافور جدیدالاسلام

عرش اعلایه اوجالسان دا بیزه ممدلی سن (محمد علی جدیدالاسلام)

دوتگیلان بنده نی معذور جدیدالاسلام

اهل بخیه ایله مدارا ائله جور اولسون ایشین

ائتمه برخوردیوی ناجور جدیدالاسلام

حشر و نشر ائتمه یین اغیاریله مترفلریله

ائیله ییبدیر سنی مغرور جدیدالاسلام

خان و سلطانیله ایلشسه گدا سندن ایراق

خایه مال آدلانی مزدور جدیدالاسلام

سن اگر ترک وفا مهر و صفا ائتمه میسن

بس ندیر خصلت مذکور جدیدالاسلام

یوخدو گیرمیر باشیوا میرزانی رسوای ائدیسن

کس باشین وار قمه ساطور جدیدالاسلام

سن کرم کانی اولوب ایسته یه نه یوخ دئمه دین

اولما ییر یوخسولا میسور جدیدالاسلام

همسایان دا رسولون یوز خطه بیر دوز خط یوخ

سویله اؤز خطیوی آز بور جدیدالاسلام

وارلیسان رد مظالم ائله وئر خمس و زکات

ائیله سین حق سنی مأجور جدیدالاسلام

میرزانین سال حسابین شهردارا وارلیلارا

یعنی میرزالره یان دور جدیدالاسلام

بعضیلر میرزا کیمی مفلس و لوت بعضیلرین

قالانیب خرمن و آخور جدیدالاسلام

محکوم ائت بو گئده نی وئر هاراسیندان آسالار

گر وصول اولماسا مقدور جدیدالاسلام

میرزا سندن قاباق عزرائیله ده بورجلودو جان

غسالاّ نوبه یه گئد دور جدیدالاسلام

قسط صاحبخانا دکتر داوا ائو آرواد اوشاق

سنده امر ائت گله مأمور جدیدالاسلام

حوزه وی درس بو بازاردا گشایش دی یقین

اوندا عکسینه  ائدیب کور جدیدالاسلام

عومرونو حوریه آد آروادا اوخشار چورودوب

وعده ائیلیرلر یئنه حور جدیدالاسلام

شاعری شعری بیر عابباسی یا آلمیر بیر کس

لطف ائدیب یا وئره بیر سور جدیدالاسلام

شعر الهام دی شاعر کیمی نفرین ائله سه

اولمالی دهرده منفور جدیدالاسلام

شاعرین حرمتی واجب ساییلیبدیر حتا

حفظ ائدیبدیر اونو تیمور جدیدالاسلام

چوخ اوزو قیرمیزی شلوار چیخاردان آد آلیب

گو ... وئرن قه... و قلدور جدیدالاسلام

گلسه ناحق قاپیدان حق قاچاجاقدی باجادان

آزدی گوج زور ائیله ییر زور جدیدالاسلام

عیش و نوش ائتمه ده کاخلاردا گدالار نه سیاق

پوخ یئدی شاهیله شاپور جدیدالاسلام

وئریلن نفت رفاهات ائدیب مست بیزی

اولموشوق عدلیله مخمور جدیدالاسلام

قوی جهنم اولا غم غصه بهشته یاشیریق

دایما دلخوش و مسرور جدیدالاسلام

تاپیلیب ائیله مخدر خودی بیخود ائله ییر

کهنه لیب شیره انگور جدیدالاسلام

گؤر نئجه کفر و نفاق جبهه سی نین اردولارین

اهل دین ائتمه ده مقهور جدیدالاسلام

فاش ائدیب عالمه اسراری باشین وئردی بادا

هو انا الحق دییه منصور جدیدالاسلام

ایت یئسین آرپانی آتدا اته میل ائتمه لیدیر

ایندی لیک بئیله دی دستور جدیدالاسلام

میرزا رحم ائیله مه ییب شیخه شاها گؤر اونو تئز

ائتمه میش وصفیوی مسطور جدیدالاسلام

بیر نظر سال اونا منظور جدیدالاسلام

                                           (10/7/87)

یاتما بو یئرده دور ...

یاتما بو یئرده دور آماندی  باجی

سنسیز داغلار بوتون دوماندی باجی

سنین آیریلیغین هئچ آسان دییل

سنه نئچه گوندی بیزه نئچه ایل

دئدیلر قلبیوه توخونوبدی یئل

بیزیم ایچیمیزده طوفاندی باجی

یاتما بو یئرده دور آماندی باجی

دور تلفونلاریوا جواب وئر اؤزون

طیبه باجیوا اؤزون دئه دوزون

گؤزلرین اؤزون سیل اوغلانین، قیزین

دور کی زمانه میز یاماندی باجی

یاتما بو یئرده دور  آماندی باجی

بیرده بو قاپیوا نگهبان قویما

بیز سندن دویماریق گل بیزدن دویما

قوهومو ائولادی نگران قویما

سنسیز یاز، پاییزدی، خزاندی باجی

یاتما بو یئرده دور آماندی باجی

اولمیا ایستیرسن امتحان وئرک

گؤزلردن یاش تؤکک گلک قان وئرک

باش ندی، قان ندی، ایسته جان وئرک

جانیمیز جانیوا قرباندی باجی

یاتما بو یئرده دور آماندی باجی

سنی سوراغلاشیر فامیل لر، ائل لر

دور کی غور ائیله یر کهنه نیسگیل لر

محبت دن غیری باغچالار گوللر-

بوتون قورویاندی، یاناندی باجی

یاتما بو یئرده دور آماندی باجی

آجی خبرلری نجور یئتیرمک

هامی نی هر یئره اولماز گتیرمک

سنه آسان گلیر اوردا اوتورماق

سانما اوشاقلارا آساندی باجی

یاتما بو یئرده دور آماندی باجی

فاطمه قاپیسی باغلی اولانماز

ائلدار اولان ائلدن آیری قالانماز

فلک بیرده بیزی آیری سالانماز

آیریلیق حیرماندی، زنداندی باجی

یاتما بو یئرده دور آماندی باجی

دور دییک دانیشاق باشلیاق سؤزه

بد نظر ده ییبدی گلیبسن گؤزه

سنین قلبینده کی توکولدی اوزه

هله چوخونون کی نهاندی باجی

یاتما بو یئرده دور آماندی باجی

سنسیز بوغازیمیز قوووشوب باجی

احوالیمیز یامان قاریشیب باجی

غملر آشیب باشدان سوووشوب باجی

صبریمیز توکندی، تالاندی باجی

یاتما بو یئرده دور آماندی باجی

سن بیزه باجی سان همده ننه سن

قارداشسان، یولداشسان، گاهدا ده ده سن

باش اوسته، گؤز اوسته هر نه سن دئسن

بویور نه امردی فرماندی باجی

یاتما بو یئرده دور آماندی باجی

نوبه منیم کیدی دایان دور دالا

بویوک کیچیک واردی منی سال یولا

گئتمه میش قوللارین بوینوما دولا

وصل لرین سونو هجراندی باجی

یاتما بو یئرده دور آماندی باجی

قاباقدا طویلار وار اوینیاجاقسان

داماغلاناجاقسان چاغلیاجاقسان

دور دئه شایعه لر یالاندی باجی

یاتما بو یئرده دور آماندی باجی

بوغلو ابراهیم

ایللردیر یورولماز بو، بوغلو کیشی

داغلاری، داشلاری گزیب سراسر

هله ده دوشمه ییب شوردان، نفسدن

قله لر فتحینه دوستلارلا گئدر

بیر گؤزل انساندیر دوزلو، مزه لی

ائلینه یوردونا گولوش پایلاییر

انسان سعادتی اونون آمالی

داشدا قاقیلداییر، کهلیک قیلاییر

بیزیمده آرزیمیز ایسته ییمیزدی

یوز ایللر یاشاسین بوغلو ابراهیم

خاطره لر دئسین دستانلار قوشسون

ستارخان یوردونون اوغلو ابراهیم

دستی به دست هم

برخیزید ای یلان، دستی به دست هم

ای جمعتان چو رود، بر جمعتان درود، بر فردتان درود

این کشور فلک زده دربدر شده چشمش به راهتان، گوشش به حرفتان

فریاد میکند  کی دادرس برس، از پیچ و خم مترس

هر کوی و برزنش، دلریش آن زنش

مردان پیر و بچه و خرد و بزرگ آن

از هر دیار و شهر و دهی خار در جگر

در آرزوی آن که راحت شود مگر

از درد، از دوا، از مرگ، از فنا.

برخیزید ای یلان، دستی به دست هم

ای عاشقان صافی و پاکی و نیکویی

و ای راهیان وادی بر رنج و درد عشق،

عشقی برای زندگی نه تنها برای خود

عشقی ورای خود

هان وقت رفتن است . هان وقت گفتن است.

آنان که تاریختان به جوهر خونین نوشته اند

آب و خمیر زندگی از خون سرشته اند

این کاروان هنوز در نیمه راه مقصد و منزل همی رود

رفتن به پای نی که با سر همی دود

تا کی یکی یکی تا کی یکی تکی گفتن به من زمن

از من تو دم زدن من کیستم تو کی؟ جز درد و رنج و غم؟

این من منی زچیست؟ این قهر بیخودی این اختلاف شوم

ماند به آن مثال "انگور، عنب، اوزوم"

هشدار! کاین ستم کاین ماتم و الم

با دست من یکی بی دست تو یکی درمان نمی شود.

این درد و رنجها این جنگ و فتنه ها این تلّ کشته ها

در مرز و پشت مرز در پشت جبهه ها جز از تبار من؟ غیر از تبارتست؟

دشمن کجاست بس؟ دارد نشان چه کس؟

زندان، منم تویی در خانه مادرم، جبهه برادرم

آری من و تو، ما اهل و تبار رنج

من نسل خویش را شناسم ز دور دور

خواهر به چشم گریه و مادر سپید موی

قلبی به خون تپیده پر از درد و رنج و غم

پشتی به زیر بار زندگی اندر جوانی خم

نسلی اسیر دست ستم پیشگان دهر

از رنج دست اوست سر بر فلک کشد

سرمایه کاخها

خونش هی مکد سرمایه دارها

گر حرف میزند، از درد میزند، جانرا همی کند

در انتظار اوست زندان و دارها

بی نان و خانه است، در کارخانه است.

در ده، بر روی خاک، خاک عزیزش اما چه سود

میسوزد آه میکشد از دست ظالمان، از دست خان امان

بیکار نیز اوست،به پیکار نیز اوست

می بینمش هزار، هزاران هزار بیش، در جاده های شهر

بگرفته دست زاد و کبار و صغار خویش  

مردیست دست شسته ز دار و ندار خویش، فرزند و زن اسیر

اطراف شهرها بیغوله ای بپا

تامین نگشته است هنوز آب خوردنش

قانون خراب میکند آلونکش خراب

درد است، این ساختن، آن کوفتن به سر ریختن به سر

و و ... و بیشمار زین داب روزگار از حد برون شمار

برخیزید ای یلان، بستیزید ای یلان، دستی به دست هم

هشدار، کاین الم با دست من یکی بی دست تو یکی درمان نمیشود

                                                               پایان نمیشود.

سؤنمز حضرتلرینین مکتوبونا جواب

حؤرمتلی سؤز استادیمیز                 

مشروطه چی، حضرتلری               

دیل قایداسین دوزگون یازماق           

اولوب اوره ک حسرتلری                

فاکس ائتدیگیز مکتوبونوز                

بو گون گلیب اله چاتدی                   

اوخودوقدا شیرین ، شیرین               

اوره کلره یامان یاتدی                     

بویوردوغوز قایدالاری                   

اوندا اولان فایدالاری                      

بیه نمیشیک ایکی میزده                   

سیزده اونودمایین بیزی

قوشا گئدک ایکی میزده

سیزین قایدا قراریلا     

 یاواش، یاواش یاناشیریق

دوز گون یازیب اوخوماغی

آختاریریق آراشیریق

بوندان سونرا سیزین کیمی          

بیزده یازیب اوخویاریق

سیز استاد بیر توخوجوسوز

سیزین کیمی، توخویاریق

یوللادیقیز نرم افزاری

تئز چاتدیرین، الیمیزه

الیمیزده او اولگو ایله

خدمت ائدک دیلیمیزه

یاز دایی

دایی دایی جان دایی

جان سنه قئربان دایی

قلم گؤتور یاز دایی

آی یازماغا باز دایی

نازلی کاکیللی بوغلو

سؤیله یلزیم باجوغلو

شهرین جمعه لریندن

شنبه اسنه مه لریندن

یوخ چوخ گئتمه دریندن

یاریمچیق کؤرپولردن

یاز بو سوسوز شهردن

میوه لرین نرخیندان

قنوویندان آرخیندان

یاز بو جوان نئیله سین

بو بیک بوخان نئیله سین

ساققیز آلیب چئینه سین!

           اهل حال عکاسباشی

حاضرم قوربان سنه گل عکس سال عکاسباشی

عکسی وئر پولدان خبر یوخ بیر ماچ آل عکاسباشی

گوشینی  سایما گؤتورمه میرزادی بیرده وورار

سن هله شوخ مشترینله ائیله حال عکاسباشی

آد محمد و علی فامیل اسلامی جدید

آچمیسان دکان ائدیبسن اشتغال عکاسباشی

الله ییرسن مشتری نین غبغبین قاشین گؤزون

بو حراملار بس سنه اولموش  حلال عکاسباشی

گؤی یئره گلمز کی قوی بیزده سنه بیر ال چکک

باشی فر قاشلاری چاتما آی مارال عکاسباشی

ائتمیسن بوردا اویونباز خانه نی میتخانه سن

گیر چیخ ائیلیر اهل بخیه دالبدال عکاسباشی

آتلیه گاهدان اولور میرتدان ائشک لر قهوه سی

تکلیف ائیلیرلر کی سنده زیرنا چال عکاسباشی

هاردا بیر مویدا گؤتوش وار بوردا عکسین سالدیریر

اهل فنه ایشده وار مین بیر سئوال عکاسباشی

ره له ییب بؤز سئرچه نی خوشگل قناری ائیلیسن

گؤردویون ایشلردن اولسون بیر مثال عکاسباشی

یاخشی پیس چکدی گتیردی سؤز سؤزو آرشین بئزی

هر نجور اولسا قوی اولسون بی خیال عکاسباشی

گئی چیخارت تاخ باخ بوراخ ترپنمه دور هاهوم آخ

چؤن اییل بیچاره ائیلیر امتثال  عکاسباشی

مین فیریلداقلا چکیرسن محترم خلقی بورا

بوشلا پشت پرده ده آز فتنه سال عکاسباشی

گؤرسه نیر زاهد کیمی تزویر و تدلیس دیر ایشین

عاقبت باالخیر اولانماز بو روال عکاسباشی

تبریز اهلی خوشگیلین خوشگل لیغین قدرین بیلر

سنده بیل آلداتماسین بو دول بوشال عکاسباشی

قصابین بوغلارینا عاشیق دئییل  اهل محل

قویروق ات اوسته قوپور جنگ و جدال عکاسباشی

                                 هم قیل و قال عکاسباشی

خجّه سلطانلار آتلینده اولارلار مادمازل

دوربینینده کویر اولموش شمال عکاسباشی

سالمیسان قوس قزح یاشیل چمن شیشلیک قویون

اووچودان گیزلین شکار ائتدین غزال عکاسباشی

بعضی نین رنگین چوخالدیب بعضی سینده آغ قره

گاه مالین اوستو آچیق گاه باشدا شال عکاسباشی

بوردادی شیدا، سخا، آرش، چای اوغلو، شهریار

ائلچی و یالقیز صبای، ذوالجلال عکاسباشی

دبّه زرین ناصر و جمشید مدرسلر نصیر

چوخلارینا وئرمه ییب ال بو وصال عکاسباشی

گؤت وئرن اسفندیار بهروز کاظم آذری

عابدین زاده حسین، حاجی قاوال عکاسباشی

فرشباف و یوسف و استاد سلیمی اسماعیل

نئچّه خسرو هرکول اولموش لایزال عکاسباشی

اصغر و شاطریان و پور ناصح شیرزاد

یاغلی ماغلی یازماغا یوخدور مجال عکاسباشی

نخجوانی ارمغانی یونس انور رامدل

کوهپایه سید علی سید جمال عکاسباشی

داریوش و قندریز رئیس و سرداری نیا

اکبر و اصغرنیا فرنودی سال عکاسباشی

تیموری مسعود بوداغی مرتضی سکه نژاد

وئرمه لی دالدان قاباقدان بیر مدال عکاسباشی

سوخماق اولمور هر آدی تنگه دوشنده قافیه

شعر اولور مئر و جفنگ و ابتذال عکاسباشی

پور هادی شاهرخ پا سونکی   عمامه پیچ

اهل رنگ و نقشه باخ یکرنگ قال عکاسباشی

نوریان پشت پناه استاد رسام اختگان

احمد و رومی صیامی ایده آل عکاسباشی

بیز رسول دالینجایوق نامرد بیزدن یان گزیر

قوومیسان یوخسا تاپیبدیر انتقال عکاسباشی

عکسخاننده بیزیم آرواده وئردین رنگ و رو

بیر یول اؤیرد تا اولا نیکوخصال  عکاسباشی

عکس ائدیب قاری توجانی دوت قابا ساخلا جوان

ریشخندیله سووشسون ماه و سال عکاسباشی

بیر عومور دور بو قلم قانماز الیندن داد تپیر

چک او تاریکخانه ده بیر باشه سال عکاسباشی

بنده نین عکسین روتوش ائیله عیوباتین ایتیر

موشّا طانی نئیله ییر اهل جمال عکاسباشی

پاتلئتیندن گؤرسه نیر سالم دییل  عقل معاش

گئن گزر بو طایفادان مال و منال عکاسباشی

سن منیم شکلیمله اوینا من سنه تعریف یازیم

بو قازانجی خشله سین اهل و عیال عکاسباشی

مشد اروجلوق سیکدیرر حاجی محرم فوت ائدر

گؤرسه نر شور اهلینه ماه شوال عکاسباشی

بسدیر اوباش و اراذل فرقه سیله آز دولان

توبه ائیله ائتمه میشدن ارتحال عکاسباشی

شایعه چوخدور دئییشلر وار ولی آند ایچمیرم

متهم سن منکراته حسب حال عکاسباشی

مادر قهرمان

درودی زگردان و رزمندگان

به آن شیر زن مادر قهرمان

تو ای اسوه مام ایران زمین

که زاد از تو لطفی انوشیروان

شنیدیم فریاد و پیغام تو

شریکیم در رنج و آلام تو

جهان پر ز آوازه نام تو

تویی تسلیت بخش بر مادران

به فرزند گرد و دلیرت قسم

به آن قلب و آن پاک شیرت قسم

به عشق و به خلق کبیرت قسم

قسم بر غم و انده خواهران

به خون شهیدان راه وفا

به زیر شکنجه به جور و جفا

به راه رفیقان صدق و صفا

به تاریخسازان و نام آوران

به خلقی که لطفی شدش قهرمان

به راهی که او بوده بس جانفشان

به آن کوه نستوه و آتشفشان

به آنانکه چون وی سپردند جان

همی زنده داریم یاد انوش

سر از پای نشناخته باده نوش

سلاحش بدست و درفشش بدوش

چو رود خروشان چو سیل دمان

انوشت به تاریخهازنده است

ورا قهرمانی برازنده است

رقیبش به پیکار بازنده است

برخیز ای رفیق

برخیز برخیز ای رفیق

فریاد کن فریاد کن

از نو بنائی در جهان

بنیاد کن بنیاد کن

از پا بیفکن بند را

این بند چون و چند را

یاران اندر بند را

آزاد کن آزاد کن

این کشور ماتم زده

این مرز و بوم غمزده

دلشاد کن دلشاد کن

برخیز و این کاشانه را

این خانه ویرانه را

آباد کن آباد کن

یک جبهه از زحمتکشان

از رنج و از زحمت نشان

با رهروان جانفشان

ایجاد کن ایجاد کن

این خصم بد فرجام را

این ننگ را این نام را

بر باد کن بر باد کن

اع ...

اعدام می شوند و این از گناهشان

تسلیم زور و جهل و سیاهی نگشته اند

بردار می روند چو یکرنگ و عاشقند

جان مایه مبارزه با جان سرشته اند

در مکتب مبارزه با ظلم پیشگان

کارنامه شان ز جوهری از خون نوشته اند

زیر شکنجه های کور دلان می روند زانک

بر جبهه های جنگ و تباهی نرفته اند

خاوران

مرغ دلم پریده به گلزار خاوران

خونست اشک دیده ز دیدار خاوران

خورشید سجده می کند هر روز و هر سحر

بر آستان تربت خونبار خاوران

سر سوده ماه غمزده شبها به ساحتش

شاید برآورد سر از اسرار خاوران

ای قهرمان به همسر و خواهر نگاه کن

مادر ببین که گشته پرستار خاوران

از دوستان مپرس شماری ز کشتگان

دشمن به حیرت است از آمار خاوران

بر چشمهای بسته بگو توتیا کند

چیلله قارپیزی

چیلله قارپیزی

ایچی قیرمیزی

شاختانین قیزی

قیزیندیر بیزی

کسیلیب قاش قاش

پایلانیر باش باش

آل چئینه یواش

قابیغی چیل چیل

اولوبدی دیل دیل

دیلی شیریندیل

دادینی داد بیل

چیلله قارپیزی

دیشله کئفین چک

دئینه آی کلک

تخمین آپار، اک

                 چیلله آخشامی

دسته دسته گلیب گئدر                         ایده، کشمش، نار دنه سی

قوناقلار چیلله آخشامی                        گردکان، فندقین سسی

سحره دک قاش گؤز ائدر                     سفره لره گلمکده دی

چراغلار چیلله آخشامی                       آچیلماقدا گولمکده دی

قاری ننه ناغیل دئییر                          دوداقلار چیلله آخشامی

داغ، دره آغ دونون گئییر

یاناقلار گول دوداق غنچه

گلین لره گلر خونچا

تاباقلار چیلله آخشامی

هورولوبدی پنجره لر

دوزولوبدی شبچره لر

گئجه کئچر هئچ آچیلماز

یاتاقلار چیلله آخشامی

لبو حاضر پخله پیشیر

آش قئینه ییر قازان داشیر

کورسو ندن قورولماییر

اویناماقدان یورولماییر

اوشاقلار چیلله آخشامی

دینقیلداییر تار قاواللار

ایین لرده تیرمه شاللار

قیل و قالدی چال ها چالدی

هر ساعاتدا دول بوشالدی

اطاقلار  چیلله آخشامی

دمننیبدی یارپیز چایی

قیز اوغلانا قارپیز پایی

کیمسه یئمیشی خوشلاییر

قارپیزی کسیب قاشلاییر

پیچاقلار چیلله آخشامی

ساللانیبدی آسما اوزوم

ایرفلردن دوزوم دوزوم

سایاچی نی خوشلاندیریر

سینه لری آشلاندیریر

قویماقلار چیلله آخشامی

قئینانان قوناق چاغیریب

آرواد دئدی بوشلا ایشی                           

قئینانان قوناق چاغیریب

دور بزن دوزن آی کیشی

قئینانان قوناق چاغیریب

های دی بوگون هوی دی بوگون

قوناقلار بیر بیگ دی بوگون

باشماغیندا طوی دی بوگون

دور بزن دوزن آی کیشی

قئینانان قوناق چاغیریب

گؤزل گؤیچک قئینانادی

قئینانادی هم آنادی

دُر دانادی بیردانادی

دویونلو اولماسین قاشی

دور بزن دوزن آی کیشی

قئینانان قوناق چاغیریب

گئدنلرین یادگاری

قالانلارین افتخاری

چوخ اولسون عومورو واری

یوز اللینی آشسین یاشی

دور بزن دوزن آی کیشی

قئینانان قوناق چاغیریب

کسرلی اولسون نفسی

تلفونلاردان گلسین سسی

دردلر درمانلار خسته سی

آغریماسین دیشی باشی

دور بزن دوزن آی کیشی

قئینانان قوناق چاغیریب

کیم گلیبدی کیم قالیبدی

سفره نین باشی دولوبدی

تمام عالم بیلیبدی

بو ایش اولار کیمین ایشی

دور بزن دوزن آی کیشی

قئینانان قوناق چاغیریب

باجاناقلار قاشینماسین

سؤزو ترسه دوشونمه سین

تازا گلن اوشونمه سین

چون هله ناشی دی ناشی

دور بزن دوزن آی کیشی

قئینانان قوناق چاغیریب

قیز باخار آنا سؤزونه

نصیحت ائیله قیزینا

تاپلاش ارین چوخ آزینا

سؤز ائیله مه برکی بوشی

دور بزن دوزن آی کیشی

قئینانان قوناق چاغیریب

خوش دانیشاق دییک گولک

دوستلوق ائدک گئدگ گلک

ساغلی غین قدرینی بیلک

بهارا دؤنده رک قیشی

دور بزن دوزن آی کیشی

قئینانان قوناق چاغیریب

چوخلاری نین یئری بوشدو

روزگار تئز گلیب کئچدی

کیمی اوچدو کیمی کؤچدی

چرخ فلیین گردشی

دور بزن دوزن آی کیشی

قئینانان قوناق چاغیریب

سوبایلاریزین طویوندا

قسمت اولسون قوناق اولاق           سوبایلاریزین طویوندا    

شن لیک ائدک بساط قوراق           سوبایلاریزین طویوندا      

کناریندا یار یولداشین

مئی له نک باش ایاق اولاق           سوبایلاریزین طویوندا      

گلین گلسین قیز کؤچوردک

جهیزلری تاباق تاباق                   سوبایلاریزین طویوندا      

حنا یاخاق دوواق قاپاق                 سوبایلاریزین طویوندا      

ال اله چالاق اوینیاق                    سوبایلاریزین طویوندا      

سئوگی ایستک قوجاق قوجاق        سوبایلاریزین طویوندا      

چوخلاری نین یئری بوشدور

اولاریدا یادا سالاق                      سوبایلاریزین طویوندا      

نقصانلاردان شرمنده ییک

انشا... کی عوض آچاق                سوبایلاریزین طویوندا 

سحره دک اویاق قالاق                 سوبایلاریزین طویوندا      

گول گتیرک قوجاق قوجاق            سوبایلاریزین طویوندا      

بیر گئجه ده بیر گئجه دی

هورا چکک هارای سالاق             سوبایلاریزین طویوندا      

قادا بالا اولسون اوزاق                  سوبایلاریزین طویوندا      

تعریف دئیک شعر یازاق               سوبایلاریزین طویوندا      

  میرزا بئله شعر یازاق                سوبایلاریزین طویوندا              

سوزه رم قارداش طویوندا

اویناماقدان یورولمارام                 سوزه رم قارداش طویوندا

گئجه گوندوز داغی داشی             گزه رم قارداش طویوندا

طوی گونونون رؤیاسیندا             

شوقون عشقین دریاسیندا               اوزه رم قارداش طویوندا

قاشیمیدا، گؤزوموده

الیمیده، اوزوموده

گلینی ده اؤزوموده                      بزه رم قارداش طویوندا

ساغلیغینا باده وورام

ایشله یه رم اویاق قاللام

درده سالیب غم غصه نی              ازه رم قارداش طویوندا

قارداشیما جانیم قربان

درلریم مرجانیم قربان

هر مشکله هر زحمته                  دوزه رم قارداش طویوندا

قاپ باجانی سوپوره رم

یوللارینا سو چیله رم

گول غنچه نی تاباق تاباق             دوزه رم قارداش طویوندا

                     سوزه رم قارداش طویوندا

                                       بهارکین مشارکتیله سیامکین طویوندا